आरोन बिष्ट
संसारमा असीम छ आमाको माया
नछुट्ने नटुट्ने आमाको छाया
न्यानो घाम लाग्छ उनको छायामा
ममताको आभास पाइन्छ उनको छायाँमा |
आमाको समर्पण अन्त कहाँ भेटुँ
शब्दमा व्याख्या गर्न कसरी म सकुँ
उनी नै हुन् हाम्रो समाधानको गीत
उनी नै हुन् कहिल्यै नथाक्ने मित |
आफू भोकै बसी हाम्रो भोक मेटिदिन्छिन्
हामीलाई अप्ठ्यारोमा सहयोग गरिदिन्छिन्
हामी खुसी हुँदा आफूनो पिडा भुलिदिन्छिन्
साथी बनी कहिले भने सँगै खेलिदिन्छिन् ।
सानो हुँदा सधैँभरि हात समाउँदै हिँडाइन्
रिसाउँदा सधैभरि माया गर्दै फकाइन्
सिकाउँछिन् सबै कुरा नमानेर झर्को
संसारमा आमाभन्दा छैन ठुलो अर्को ।
