अनुराग भण्डारी
माया, ममताले भरिएकी मेरी प्यारी आमा
सम्मान गर्छु तिमीलाई नमन गर्छु आमा ।
भोक छैन मलाई, खान्न भन्दा पनि
खाउ, खाउ भन्दै पछि लाग्छिन् भोकायो कि भनी ।
केही बिसन्चो भयो भने जागा हुन्छिन् राति
हर्षका आँसु बगाउँछिन् बन्छिन् प्यारी साथी ।
सानो मेरो प्रगातिमा खुसी हुन्छ्यौ कति
सागरको पानी अनि आकाशको तारा जति ।
मेरा हरेक आवश्यकता कसरी बुझछ्यौ तिमी
मलाइ थाहा छ आमाको माया पाइँदैन यहाँ किनी ।
जे माग्दा नी दिन्छ्यौ तिमी उदार छ तिम्रो मन
थकाई सारा बिर्सिन्छ्यौ हेरी हाम्रो मुस्कान ।
सन्तानकै खुसीमा लुकेको छ तिम्रो खुसी पनि
निराश हुन दिने छैन आमा ! तिमीलाई कैले पनि ।
